D.cappucino Cafe يعني تروح مكان جميل، الخدمة فيه حلوة وتعرف تفطر فطار ملوكي مع مشروبات مظبوطة دليلك لكل حصرى

الكافيه المميز إيه؟
يعني تروح مكان جميل، الخدمة فيه حلوة وتعرف تفطر فطار ملوكي مع مشروبات مظبوطة
هو ده اللي لقيناه في D.cappucino Cafe

D.cappucino Cafe
جربنا قهوة النوتيلا! أه فعلاً زي ما إنت قريت كده
القهوة دي عبارة عن نوتيلا مع إسبريسو وحليب + كريمة
وفيه بقى قهوة اللوتس يا حلاوة الطعم كده وإنت بتشرب الميكس ده

وطبعًا لو عاوز قهوة عادية هتلاقي الفرنساوي والتركي وإختيارات كتيرة أوي

فيه بقى الهوت شوكليت الكلاسيك اللي هو تشربه كده في الويك إند أو قدام الفيلم اللي بتحب تتفرج عليه

كمان عنده الهوت سيدر وده عصير تفاح مع قرفة وفيه كمان مشروب شاي بالفواكه عجبنا لما جربناه

في المشروبات الباردة طلبنا أيس كابوتشينو وكان طعمه حلو والفرابتشينو بقى فانليا كان تحفة، تخيل كده أيس كريم فانيليا لما يتعمله ميكس بالإسبريسو واللبن قولي رد فعلك على العظمة دي

ولو ليك في الأيس كريم شوكليت جربها مع الإسبريسو واللبن + صوص شوكليت وكريمة مخفوقة
في قسم الميلك شيك بقى عنده كذا أوبشن إحنا طلبنا أوريو كان بأيس كريم الفانليا واللبن + كريمة مخفوقة
وفيه ميلك شيك بالنوتيلا جماااال ودلاااال

السموزي فيه بطيخ وليمون وبيري وخوخ
أما الكوكتيلات بقى الميكس فيه عال العال زي موكيتو بالليمون والفراولة + سبرايت وفيه فروزي ده موز وفراولة + جوافة وأيس كريم فانيليا

والعصاير جربنا حاجة مميزة زي الأفوكادو معاه أيس كريم فانيليا وعسل أبيض + لبن وكاجو

عنده في الأيس كريم جربنا الكوفي توفي ده عبارة عن أيس كريم كراميل + فانيليا معاهم كريمة مخفوقة ومتزين بمجروش القهوة وصوص الكراميل..
وتقدر تطلب الحلويات زي الفادج بصوص الكراميل أو تشيز مادنس شوكلت مع الأيس كريم والتشيز كيك وصوص الشوكليت
تقدر مع كل الحاجات دي تطلب فطار تروق بيه الصبح عبارة عن بيض + جبنة فيتا وبطاطس وعيش توست مع الشاي