الحياة بقى لونها بمبي
يلا بينا على مكان هيغيرلك مودك تمامًا
البنات تجمع هنا هتحبوا المكان ده أوي بجد عشان ألوانه مريحة للأعصاب وبتطلع قمر في الصور
المكان هو : Farida
جهز كاميرا و هات أصحابك ويلا روح على هناك
القعدة بجد تنسيك الهموم من الشياكة والراحة النفسية هتاخدوا أحلى صور للذكرى هناك
و الصيف بيحب القعدات ال OutDoor خصوصًا إن الجو اليومين دول ابتدي يتحسن بليل القعدة هناك هتبقى لذيذة جدًا و ده لأن المود حلو مع الجو اللطيف
مع المشروبات الصيفية المنعشة بيقدموا أنواع كتيرة جدًا من المشروبات بجد مش هتقدر تقوم من كتر مانت هتبقى مبسوط
بالنسبة للاكل عندهم بيتزا… لطيفة أوي لا والجديد عندهم أوبشن إنك تختار بيتزا نصين
والمشويات برضو عندهم إختيارات كتيرة لو انتم جروب هتناسبكم جدا هتلاقوها فيها ميكس حلو أوي (فراخ وكفتة ) طعمهم حلو أوي و التتبيلة تجنن
عندهم أكل تركي عبارة عن فخار متسوي في قلبه لحمة بالبطاطس و الخضار اللحمة كانت دايبة في الطاجن و إسمها فخارية
وماتنساش كمان ( سلطات و Appetizers )زي الموزاريلا ستيكس والسمبوسك
الحلويات بقى انصحكم تجربوا الوافل كان خرااافي بجد مالوش حل اطلبوا ينزلكم (الريميكال) اللي فيها الصوصات تحطوا الصوص اللي يعجبكم
المكان مناسب جدا للعائلات والأصحاب و الكابلز كمان
عناوينهم :
• Tucano Commercial Complex Nasr city
•Meraki Heliopolis
•Zamalek
التليفون : +20224174267
تعليقات
إرسال تعليق